21 лютага ва ўсім свеце адзначаецца Дзень роднай мовы, мэтай якога з’яўляецца абарона моўнай і культурнай разнастайнасці.
Да Міжнароднага дня роднай мовы ў цэнтральнай бібліятэцы на працягу тыдня мы прапануем нашым чытачам прыняць удзел у акцыі “Чытаем кнігі на роднай мове», у моўнай хвілінцы «Дакраніся да роднага слова», пад час якой, усім наведвальнікам прапануецца размаўляць на беларускай мове і прыняць удзел у займальнай гульне на веданне беларускіх прыказак. Таксама прапануем чытачам памяткі–закладкі з крыжаванкамі – перакласці з беларускай мовы на рускую словы або наадварот.
На абанеменце прадстаўлена кніжная выстава “Дыяменты прыгожага пісьменства”, у фае выстава-інсталяцыя “Крыніцы роднага слова”. На кніжных выставах размяшчана літаратура беларускіх аўтараў на беларускай мове.