5 кастрычніка Пальмінская сельская бібліятэка арганізавала бібліятэчныя вячоркі “С улыбкой по жизни”, прысвечаныя Дню сталых людзей. Забаўляльная гумарыстычная праграма, якую прапанавалі сваім гасцям супрацоўнікі бібліятэкі, ўключала шмат розных цікавых і вясёлых конкурсаў. Удзельнікі  з задавальненнем успаміналі песні сваёй маладосці, народныя інструменты, з дапамогай якіх раней праводзіліся народныя гульні.

Для падтрымкі вясёлага настрою супрацоўнікамі бібліятэкі была паказана гумарыстычная сцэнка “Бабулі і ўнукі”, таксама падчас мерапрыемства гучалі прыгожыя вершы і песні. Напрыканцы вячорак усіх чакаў салодкі стол з духмянай гарбатай.