27 верасня для дзяцей дашкольнага узросту і першакласнікаў былі арганізаваны цуды ў бібліятэцы “На нашым кірмашы – ўсё ад душы”. Дзеці даведаліся аб нацыянальных традыцыях і звычаях беларусаў. Мерапрыемства праходзіла ў чытальнай зале, бібліятэкары арганізавалі прылавак з рознай садавінай і гароднінай. На кірмаш завіталі дзед Тамаш і баба Еўка з вялізнымі кошыкамі, а дзеці запрошвалі іх да сябе і прапаноўвалі купіць тавар. Дзед з бабкай не толькі куплялі тавар, але і весяліліся разам з імі: гулялі ў беларускія гульні, адгадвалі загадкі, удзельнічалі ў конкурсах.
